Қазақстан Республикасы Президенті Әкімшілігінің келісімімен және қала әкімінің өкімімен Ержан Іргебайұлы Сейтенов Шымкент қаласы әкімінің орынбасары болып тағайындалды. Ержан Іргебайұлы Сейтенов 1974 жылғы 18 қыркүйекте Қызылорда облысы Жаңақорған ауданында дүниеге келген. Еңбек жолын 1990 жылы Жаңақорған темір-бетон конструкцияларын өндіру кәсіпорнында жұмысшы болып бастаған.

• 2002–2016 жылдары – жеке секторда басшылық қызметтер атқарды;
• 2016–2021 жылдары – Алматы қаласында Жердің пайдаланылуы мен қорғалуын бақылау, Жасыл экономика және Тұрғын үй саясаты басқармаларын басқарды;
• 2021–2023 жылдары – Алматы қаласы Алмалы ауданының әкімі болды;
• 2023 жылғы қазан айынан бастап осы уақытқа дейін Шымкент қаласы әкімі аппаратының басшысы қызметін атқарды.