Міндетті әлеуметтік медициналық сақтандыру жүйесі іске қосылғанына 4 жылға жуық уақыт болды. Міндетті әлеуметтік медициналық сақтандыру жүйесі (МӘМС) – бұл тұрғын халық денсаулығын қорғау саласында халық мүддесін әлеуметтік тұрғыда қорғайтын мемлекеттік жүйе. МӘМС жүйе қатысушыларына дер кезінде, қолжетімді, сапалы медициналық және дәрі-дәрмектік жәрдем көрсетуді қамтамасыз етеді.

Кейінгі жылдары халыққа сапалы әрі қолжетімді медицина­лық көмек көрсетіліп, денсаулық сақтау саласы біршама жүйеленгенін білеміз. Міндетті «әлеу­меттік медициналық сақтандыру» енгізілгелі сала маман­дарының жауапкершілігі артқаны байқалады. Өйткені сақтандыру қорына ай сайын жарнасын аударып отырған азаматтардың медициналық көмектің сапасына қатысты талап қоюы қалып­ты жағдайға айналып келеді.

          «Міндетті әлеуметтік медициналық сақтандыру» Қоры КеАҚ Шымкент қаласы бойынша филиалының директоры Сәбит Құралбек алғашқы медициналық-санитарлық көмек көрсету мекемелерінің бас дәрігерлері және қызметкерлерімен кездесуде баса айтты. Халыққа МӘМС шеңберінде көмек көрсету емханалардан басталады. Науқастардан түсетін шағымдардың басым үлесі де медициналық-санитариялық алғашқы көмек көрсететін осы мекемелерге тиесілі. Медициналық ұйымдармен тығыз қарым-қатынас орнатып, пациенттерге қызмет көрсету барысында орын алатын өзекті мәселелерді шешу мақсатында Қор филиалының директоры Сәбит Райымбекұлы бастаған медициналық сақтандыру жүйесінің өкілдері қаладағы емханаларды аралап,қызметкерлеріне түсіндірме жұмыстарын жүргізуде. -Халық медициналық қызметті әуре сарсаңға түспей, кедергісіз алуы керек. Пациенттермен МӘМС жүйесі бұл тұрғыда әр науқасқа қамқорлықпен қарап, медициналық көмекті сапалы әрі қолжетімді етуді көздейді. Сіздерге қоятын талап, өтінішімізде сол – азаматтарға сапалы қызмет көрсетіп, жылы сөздеріңізбен демеу болуларыңыз. Өз тарапымыздан серіктестігімізді арттырып, өтініш-тілектеріңізді қарастыруға әрдайым дайынбыз, - деді ӘМСҚ Шымкент қаласы бойынша филиалының директоры Сәбит Құралбек. Кездесу барысында емхана қызметкерлері науқастарды ПЭТ, КТ диагностикасына жолдауға және бейінді мамандардың қызметіне қатысты бірқатар сұрақтарын қойды. Айтылған мәселелер назарға алынып, оңтайлы шешу жолдары қарастырылатын болады. Жалпы, Шымкент қаласы бойынша 58 емхана қызмет көрсетеді. Оның 13-й мемлекеттік медициналық ұйым.