ШЫМКЕНТ: «ТАРИХҚА ТАҒЗЫМ КҮНІ» ӨТЕДІ

Бүгін 17 наурыз күні «Арбат» демалыс аймағында “Наурыз Шымқалада” мерекелік іс-шарасы аясында «Ғасырлар тоғысындағы көрме» көшпелі көрмесі өтеді.

Көрменің мақсаты - қаланың тарихи жәдігерлері мен көне дүниелерін қала тұрғындарына кеңінен насихаттау болып табылады.

Демалыс орталығында:

Қалалық музейлер мен кітапханалардың ашық аспан астындағы тарихи-мәдени көрмелері;

Қала кітапханаларының көне кітаптар көрмесі;

Қалалық саяси қуғын-сүргін құрбандары музейінің көрмесі;

Әдет-ғұрып және салт дәстүр орталығының «Тарихтан тағылым» ұлттық көрмесі;

Дінмұхамед Қонаев мұражайының Мемлекет және қоғам қайраткері Дінмұхамед Ахметұлы Қонаевтың 110 жылдығына арналған «Ғасырдың дара перзенті» атты көрмесі;

Мотивациялық кітаптар көрмесі;

Ретро көліктер көрмесі;

«Шымқала – балалар көзімен» фотосуреттер көрмесі;

Жергілікті қолөнер шеберлерінің туындыларынан зергерлік бұйымдар көрмесі;

Ретро радио бұйымдарының көрмелері қойылатын болады.

Құрметті қала тұрғындары мен қонақтары сіздерді бүгінгі сағат 10:00-де өтетін мерекелік іс-шараға шақырамыз!