Білім беру саласында цифрлық технологияларды қолдану бойынша Шымкент қаласы республика көлемінде алдыңғы қатарда тұр. Қалада онлайн-платформалар мен сандық оқулықтарды кеңінен пайдалану арқылы білім беру сапасын арттыру бағытында ауқымды жұмыстар жүргізілуде.

Қазіргі таңда еліміздегі 7 мыңнан астам мектеп онлайн-платформалар мен цифрлық ресурстарды пайдаланады, ал олардың белсенді қолданылуы бойынша Шымкент Жамбыл және Ақмола облыстарымен бірге көш бастап тұр. Бұл өз кезегінде оқушылардың білімге қолжетімділігін арттырып, оқу үдерісін заманауи деңгейге көтеруге мүмкіндік береді.
Қалада цифрландыру тек оқу үдерісін емес, сонымен қатар кадрларды іріктеу және жұмысқа қабылдау жүйесін автоматтандыру арқылы білім беру саласындағы ашықтық пен әділдікті қамтамасыз етуге де бағытталған.
Шымкентте жүзеге асырылып жатқан цифрлық шешімдер білім беру сапасын арттыруға және білім беру жүйесіндегі тиімділікті күшейтуге нақты үлес қосуда.