Түркістан қаласында жастар арасындағы құқық бұзушылықтардың алдын алу басты назарда. Полицейлер мен жергілікті билік өкілдерінің басты міндеттерінің бірі — жасөспірімдер арасында құқық бұзушылықтарды болдырмау. Осы мақсатта Түркістан қалалық Полиция басқармасының қызметкерлері қала жастарымен кездесу ұйымдастырды.

Шараның негізгі мақсаты — қылмыс пен құқық бұзушылықтың алдын алу, жастардың қауіпсіздігін қамтамасыз ету. Кездесуде жасөспірімдерге қылмыс жасағаны үшін жауапкершіліктің түрлері туралы ақпарат берілді. Полицейлер жастарға құқықтық білімдерін арттыру, құқық бұзушылықтың зардаптарын түсіндіру және заңды сақтаудың маңыздылығын жеткізді.

Кездесуге қала әкімінің орынбасары М. Қырықбаев, Түркістан қалалық полиция басқармасының бастығының м.а. Н. Мұратов, аға прокурор Д. Әлі, қалалық мәслихат депутаты Б. Абдусейітов, сондай-ақ полицияның жеке құрам қызметкерлері, жоғары сынып оқушылары мен мұғалімдері қатысты. Жиында жастар мен ұстаздар құқық қорғау органдарының жұмысына қызығушылық танытып, полиция қызметкерлерімен тікелей диалог құрды.

Полиция қызметкерлері жастарға құқық бұзушылықтардың алдын алу үшін қандай шараларды қолға алуға болатынын, құқықтық мәдениеттің маңыздылығын түсіндірді. Жасөспірімдер өз құқықтарын, міндеттерін және заң бұзушылықтардың ауырлығын жақсы түсінуі керек. Кездесу барысында жүргізілген пікір алмасу жастардың құқық қорғау органдарына деген сенімін арттыруға, оларды құқықтық сауаттылыққа тәрбиелеуге бағытталды.

Кездесу соңында «Кәмелет жасына толмағандармен және оларға қарсы жасалатын қылмыстардың профилактикасы» тақырыбында слайдтық көрсетілім ұсынылды. Көрсетілімде құқық бұзушылықтардың түрлері, себептері мен салдары туралы ақпарат берілді. Сондай-ақ, шараның нәтижесінде жауаптыларға тиісті тапсырмалар беріліп, жастарға ақпараттық қолдау көрсету жұмыстарының жалғасатыны айтылды.

Түркістанда мұндай шаралар жастардың жауапкершілігін арттырып, құқық бұзушылықтардың азаюына ықпал етеді. Полицейлердің атқарып жатқан жұмысы — бұл тек құқық бұзушылықтың алдын алу ғана емес, сондай-ақ жастардың қауіпсіздігін қамтамасыз ету, олардың құқықтық сауаттылығын арттыру.

Келешекте полиция қызметкерлері жастармен жұмысын жалғастырып, құқық қорғау органдары мен жастар арасында байланысты нығайтуға ұмтылуда. Түркістан қаласының тұрғындары мен жастардың құқықтық мәдениетін арттыру, қоғамда құқық бұзушылықты болдырмау — баршамыздың міндетіміз. Тек бірге әрекет еткенде ғана біз қаламызды қауіпсіз әрі жайлы ете аламыз. Жастардың құқықтары мен міндеттерін түсінуі — біздің ортақ болашағымыз үшін маңызды.