«Батаменен ер көгерер» (мақал).Ақ тілеудің белгісі - бата .Ол кез келген жерде айтыла бермейтін қасиетті рухани ұғым.Ең жақсы батаны халық ақ бата деп қастерлейді,айта жүреді, үлгі етеді,  жаттап алады.Батаның бірнеше түрлері бар.Жас талапкерлерге бата.Бұл ерлік, өнер өмір жолына, ұзақ сапарға аттанар алдында әдейі барып тілейтін бата.Қошқарұлы Жәнібек жас кезінде Қаракерей Соқыр Абыздан бата сұрай барғанда ол кісі былай депті:

              «Бедеуің белбеуіңе байлау болсын,

              Қазаның ошақтағы қайнау болсын.

              Есігің, ашық болсын,

              Қабағың жазық болсын».

Дереккөз: Кенжеахметұлы С. "Қазақтың салт-дәстүрлері мен әдет-ғұрыптары" кітабынан.