ҚР сауда және интеграция министрі Арман Шаққалиев Үкімет отырысында республикадағы сауда саласының дамуы туралы баяндады.
  Ол осы жылдың бірінші жартыжылдығының қорытындысы бойынша сауданың тұрақты өсуі қамтамасыз етілгенін атап өтті. Нақты көлем индексі 105,7%-ды құрады, сауда көлемі 36,2 трлн теңгеге жетті, бұл өткен жылдың сәйкес кезеңінен 15,3%-ға жоғары. Көтерме сауда 6,6%-ға, бөлшек сауда 3,8%-ға өсті.
   «Жыл соңына дейін осы тауарлар бойынша сатудың болжамды көлемі кемінде 40 трлн теңгені құрауы тиіс. Бұл көрсеткішті орындау үшін негізгі міндет отандық өндіріс көлемін ұлғайту болып қала береді», — деді Арман Шаққалиев.