Қазақстанның белгілі кинорежиссері Ардақ Әмірқұлов 70 жасында өмірден өтті. Қаралы хабарды Мәдениет және ақпарат министрлігі растады. Ведомство марқұмның туған-туыстары мен жақындарына, әріптестері мен шәкірттеріне көңіл айтты. Ардақ Әмірқұлов саналы ғұмырын отандық кино өнерінің дамуына арнады. Ол «Отырардың күйреуі», «Абай» және «Қош бол, Гүлсары!» секілді танымал фильмдердің режиссері ретінде көпшілікке кеңінен танылды. Министрліктің мәліметінше, режиссердің туындылары қазақ киносының алтын қорынан орын алды. Сонымен қатар ол ұлттық кинематографияның дамуына елеулі үлес қосып, бірнеше буын кино мамандарының тәрбиеленуіне ықпал етті.