Қасым-Жомарт Тоқаевқа Ұлытау облысының әлеуметтік-экономикалық жағдайы, өңірді дамыту бағыттары және алдағы кезеңге арналған жоспарлар таныстырылды.

Кездесу барысында облыстағы инфрақұрылымдық жобаларды жүзеге асыру, инвестиция көлемін арттыру, өнеркәсіп саласының әлеуетін нығайту, инженерлік желілерді жаңарту және тұрғындарға көрсетілетін әлеуметтік қызметтердің сапасын жақсарту жөніндегі жұмыстар баяндалды.

Сонымен қатар өңір үшін маңызды жобаларды іске асыру бойынша бірқатар ұсыныс айтылды.

Кездесу соңында Мемлекет басшысы Ұлытау облысының тұрақты дамуын қамтамасыз ету, инвестициялық мүмкіндіктерін кеңейту және халықтың өмір сүру деңгейін арттыруға бағытталған нақты тапсырмалар берді.